Lekunberrin maiatzaren 25ean zabalduko da udako ludotekan eta kirol udalekuetan izena emateko epea, ekainaren 5era arte. Jarduerak ekainaren 22tik abuztuaren 28ra egingo dira, astekako txandetan, eta haurrei aisialdirako, jolaserako eta kirolerako aukera eskaintzea dute helburu.
Ludoteka 3 eta 12 urte bitarteko haurrentzat izango da, HH1etik LH6ra. Ibarberri ikastetxeko patioan egingo da, astelehenetik ostiralera. Sarrera 08:00etatik 09:00etara izango da, eta ludoteka 09:00etatik 13:00etara. Prezioa 35 eurokoa izango da astean, eta 26 eurokoa bigarren seme-alabatik aurrera.
Kirol udalekuak 6 eta 14 urte bitarteko haurrei zuzenduta daude, LH1etik DBH2ra. Plazaola kiroldegian egingo dira, 10:00etatik 13:30era. Prezioa 45 eurokoa izango da astean, eta 34 eurokoa bigarren seme-alabatik aurrera.
Bi jarduerak euskaraz izango dira, eta besteak beste, ur jolasak, eskulanak, irteerak, kirol jarduerak, frontoi jolasak eta talde dinamikak egingo dira. Plazak mugatuak dira, eta lehentasuna bailaran bizi diren haurrek izango dute.
Izena emateko epea maiatzaren 25etik ekainaren 5era izango da. Taldeak osatzeko gutxienez 8 haur beharko dira. Plazarik libre geratuz gero, izen-ematea berriz zabalduko da uztailaren 15etik 22ra.
Informazio gehiago eta izen-ematea: labur.eus/lekunberri2026-eus.
