Nafarroako Gobernuak, Nasertic enpresaren bitartez, jakinarazi du Lurreko Telebista Digitalaren (LTD) ekipamendua berrituko dela Lekunberriri zerbitzua ematen dion telekomunikazio-zentroan. Jarduera honi esker, telebista-kate berriak sartu ahal izango dira.
Hain zuzen ere, eguneratzearen ondoren kate berriak emititzen hasiko dira MPE4 eta MPE5 multiplexen bidez, besteak beste, MEGA, TRECE, Energy, Boing, A3Series, BeMad TV HD, Real Madrid TV HD eta TEN.
Lan horiek egin ahal izateko, telebista-seinalea aldi baterako eten beharko da, eta 5 ordu baino gutxiago iraungo duela aurreikusten da.
Jarduketak amaitu ondoren, beharrezkoa izango da erabiltzaileek beren telebistak edo LTD hargailuak berriz sintonizatzea, egungo kanaletara nahiz kanal berrietara behar bezala sartu ahal izateko.
Lanak apirilaren 4. asterako aurreikusita daude, baina baliteke data aldatzea.
Edozein kontsulta edo gorabehera izanez gero, Nasertic enpresarekin harremanetan jar zaitezke info@nasertic.es posta elektronikoaren edo 848 425 555 telefonoaren bidez.
Udalak abisu hori kontuan hartzea gomendatzen du, ahalik eta eragozpen gutxien sortzeko.
