Lekunberriko Udalak diru laguntza jaso du bero-sareko galdara-gela eraberritzeko. 384.613,76 euroko inbertsioa egin da, eta emandako laguntza 300.258,48 eurokoa izan da.
Obra horiek Nafarroako Gobernuak diruz lagundu ditu “Sektore publikokoak ez diren eraikinetan, establezimenduetan eta azpiegituretan energia berriztagarri termikoen instalazioak ezartzeko laguntzak” programaren barruan. Programa hori abenduaren 21eko 1124/2021 Errege Dekretuak arautzen du, Europako Berreskurapen, Eraldaketa eta Erresilientzia Planaren esparruan.
Deialdi honen bidez lortu nahi diren helburuak guztiz bat datoz Nafarroako 2030erako Zerumuga Energia Planaren helburuekin: energia-kontsumoa arrazionalizatzea eta baliabide fosilekiko mendekotasuna murriztea helburu duten ekintzak sustatzea. Horretarako, Udalak herri horretako bero-sareari zerbitzua ematen dion galdara-gela eraberritzeko obrak egin ditu, eta sorkuntza-sistema aldatu du, errendimendua handitzeko eta energia aurrezteko.
Ondorioz, 287.268,54 kW-ko energia aurreztea eta 54.767,31 € aurreztea lortu da.