Nafarroako Gobernuaren Herritarren Arretarako Bulego Mugikorra Lekunberrin izango da abenduaren 7tik 11ra

Nafarroako Gobernuaren Herritarren Arretarako Bulego Mugikorra Lekunberrira iritsiko da abenduaren 7tik 11ra, herritarrei administrazio-zerbitzuak hurbiltzeko eta hainbat izapide egiteko aukera errazteko. Bulego mugikorra Udaletxearen ondoan kokatuko da, eta arreta 9:00etatik 14:15era eskainiko du. Zerbitzua doakoa izango da, ez da aurretiko hitzordurik beharko eta euskaraz zein gaztelaniaz emango da.

Herritarrek hainbat administrazio-izapide egin ahal izango dituzte bertan. Besteak beste, Nafarroako Gobernuaren zerbitzuei buruzko informazioa jaso, Cl@ve sistemaren eta Ziurtagiri Digitalaren akreditazioa egin, edo edozein administraziotara zuzendutako dokumentazioa erregistratu ahal izango dute. Horrez gain, Internet bidezko kudeaketetan laguntza emango da, eta herritarren kexak eta iradokizunak jaso eta bideratuko dira.

Herritarren arretarako ohiko zerbitzuez gain, abenduaren 9an, asteazkena, 9:00etatik 14:15era, etxebizitzari buruzko arreta espezializatua eskainiko da. Zerbitzu horren bidez, herritarrek etxebizitzarekin lotutako programa eta laguntzei buruzko informazioa eskuratu ahal izango dute, hala nola EmanZipa, Etxebizitza Errolda eta David programei buruzkoa.

Informazio praktikoa

  • Lekua: Lekunberriko Udaletxearen ondoan.
  • Prezioa: doan, aurretiko hitzordurik gabe.
  • Hizkuntzak: euskara eta gaztelania.

Informazio gehiago: Nafarroako Gobernuaren Bulego Mugikorra

Harremanetarako: oficinamovil@navarra.es | 848 420 104

Facebook
Twitter
LinkedIn
WhatsApp
Email