Behin Alde Zaharreko obrak bukatuta, segurtasun irizpideak eta bizilagunen ekarpenak kontuan hartuz, hurrengo neurriak hartu ditugu: Galarrenea eta Elizaren arteko kale estua oinezkoentzat bakarrik izanen da eta Alkazarrenearen ondoko kalean argiteria indartu eta erreka ingurua hesiz babestu dugu. Plazaolatik alde zaharrera sartzeko bidean, aldiz, bizilagunen segurtasuna bermatzeko helbururekin, bizikleta eta autoen abiadura moteltzeko gailuak jarri ditugu lurrean.
