Martxoaren 8an ospatuko den Emakume Langilearen Nazioarteko Eguna dela eta, Lekunberrik egitarau zabala edukiko du martxoan zehar, adin guztietako pertsonei zuzendutako kultura, hezkuntza, aldarrikapen eta jai proposamenekin.
Egitarauari hasiera emateko, martxoaren 7an bazkaria egingo da Lekuonberrin, 14:30etan hasiko da eta parte hartzeko izena martxoaren 6a baino lehen eman beharko da 948 50 76 28 telefonora deituz.
Jarraitzeko, martxoaren 8an Emakume Langilearen Eguneko manifestazioa izango dugu. 12:00etan abiatuko da Larraungo Udaletxeko plazatik eta Lekunberriko herriko plazan amaituko da, berdintasunaren aldeko ekitaldi nagusi gisa.
Gainera, ikasleei zuzendutako hezkuntza-jarduera bat antolatu da: martxoaren 10ean, Lekunberriko kiroldegian, ihes gela (escape room) egingo da Ibarberri ikastetxeko Lehen Hezkuntzako 4., 5. eta 6. mailako ikasleentzat, Kobazuloanen.
Programaren barruan, martxoaren 11n pintxo dastaketa egingo da Kattagorri elkartean, 19:00etan prestaketa eta 20:00etatik aurrera dastaketa, giro parte-hartzaile eta komunitarioan.
Martxoaren 18an, 18:30ean, Gabari Gune Irekian “Zazpikiak bat. Neskato onak”, hausnarketa eta sorkuntza artistikoa ikuspegi feministatik uztartzen dituen komiki aurkezpena.
Programazioak martxoaren 21ean jarraituko du “Milagros & Valentina” euskarazko antzezlanarekin, Lorena Arangoa eta Aintzane Baleztenaren eskutik, 19:00etan Plazaola Kirolgunean.
Jarduera horiek guztiak batera antolatu dituzte Lekunberriko Udalak, Larraungo Udalak, Larraungo Berdintasun Mahaiak, Irurtzun inguruko Gizarte Zerbitzuen Mankomunitateak eta Ibarberriko hezkuntza-komunitateak, emakumeen eta gizonen arteko berdintasunarekiko hausnarketa, partaidetza eta konpromiso kolektiboa bultzatzen jarraitzeko.
